Lesona Sekoly Sabata H. ho avy

Hodinihina mandritra ny herinandro: Jao. 14:10,24; Gen. 3:7-9; Jao. 16:27,28; Jao. 16:7-11; Jao. 17:1-26.

Tsianjery:

"Fa ny Mpananatra, dia ny Fanahy Masina, Izay hirahin'ny Ray amin'ny anarako, Izy no hampianatra anareo ny zavatra rehetra sy hampahatsiaro anareo ny zavatra rehetra izay nolazaiko taminareo." Jao. 14:26

Lohahevitra maro samihafa no hita ao amin'ny filazantsaran'i Jaona. Nisafidy hitantara ireo famantarana (fahagagana) i Jaona mba hanehoana fa i Jesosy no ilay Mesia izay nampanantenain'ny mpaminany. Niantso vavolombelona maro izy mba hanambara ny maha-Kristy an'i Jesôsy. Nampiasainy koa ny fanambarana "IZAHO, IZAY IZY" mba hanondroana ny maha-Andriamanitra an'i Jesôsy.

Samy voatonona ao amin'ny Jao. 1 ireo Persona telo ao amin'Andriamanitra telo izay iray (Jao. 1:1-4, 14, 18, 32-34). Nandritra ny taonjato maro no niezahan'ny olombelona nanakatra amin'ny fahafenoany ny toetran'Andriamanitra telo izay iray. Maro anefa no mandà izany hevitra izany, noho ny tsy fahafahantsika mahatakatra izany amin'ny fahafenoany. Endrey, fahadalana tokoa ny fandavana ny zavatra iray noho tsy fahatakarana izany amin'ny fahafenoany, na koa noho ny tsy fifanarahan'izany amin'ny fisainana voafetra ananan'ny olombelona!

Ambaran'i Jaona fa raha tian'ny olona iray ny hahatakatra ny momba an'Andriamanitra dia tsy maintsy mijery an'i Jesôsy sy izay voalaza ao amin'ny Teny izy. Manokatra ho antsika tontolom-pifandraisana iray vaovao izany - ny fifandraisana eo amin'ireo Persõna telo ao amin'Andriamanitra telo izay iray, ny fifandraisana eo amin'Andriamanitra telo izay iray sy ny olombelona ary ny fifandraisan'ny samy olona. Mijery ny fomba anehoan'ny filazantsaran'i Jaona ny Ray sy ny Zanaka ary ny Fanahy Masina ity lesona mandritra ny herinandro ity. Ao anatin'ny tontolon-kevitry ny lahateny ho fanaovan'i Jesôsy veloma anefa no hijerentsika izany izao (Jao. 13-17).

Nosoratana avy amin'ny fomba fijerin'ny tantara fototra ao amin'ny Baiboly ny filazantsaran'i Jaona; miantomboka amin'ny niandohantsika izany. "Tamin'ny voalohany Andriamanitra nahary ny lanitra sy ny tany." Gen. 1:1. Na koa hoe: Tamin'ny voalohany Andriamanitra Ray, sy Zanaka ary Fanahy Masina nahary ny lanitra sy ny tany. Izy ireo no loharanon'ny zavatra izay misy rehetra. Izy ireo no namorona an'izao rehetra izao sy ireo mponina ao aminy. Nisy famoronana fiainana manokana teto amin'ny planetantsika, ary miavaka indrindra tamin'izany ny famoronana ny olona. Ary ny tanjon'Andriamanitra tamin'ny famoronana ny olombelona dia ny hiainantsika ao anatin'ny firindrana feno fitiavana miaraka Aminy sy isika samy olona.

Indrisy anefa fa nentin'i Losifera ho eto amin'ity tontolo ity ny fahotana. Azo lazaina ho fahasimban'ny fifandraisantsika amin'Andriamanitra ny fahotana. Maneho endrika diso momba an'Andriamanitra izany. Noho izany no nandraisan'i Jesõsy ny toetry ny olombelona mba hamerenana amin'ny laoniny ny fahalalana an'Andriamanitra sy hamonjena ny taranak'olombelona.

Nampilefitra ny fiainany tamin'ny Ray i Jesôsy fony tety ka nivelona araka ny Fitondrany. Hoy Izy: "Izaho sy ny Ray dia iray ihany." - Jao. 10:30. "(...) Ny Ray no ato amiko, ary izaho ao amin'ny Ray" - Jao. 10:38. "Raha tsy manao ny asan'ny Raiko Aho, dia aza mino Ahy." - Jao. 10:37.

Inona ny anjara asan'ny Ray, araka izay voalazan'ireto andalan- tSoratra Masina manaraka ireto?

Jao. 3:16,17; Jao. 6:57………………………………………………………………………………………..

Jao. 5:22,30…………………………………………………………………………………………………….

Jao. 6:32; Jao. 14:10,24 …………………………………………………………………………………….

Jao. 6:45 …………………………………………………………………………………………………….….

Jao. 15:16; Jao. 16:23 ……………………………………………………………………………………….

Mampiseho ny fananan'Andriamanitra Ray firaisana ety amin'i Jesôsy Zanany ireo toko sy andininy ireo. Manana fifandraisana ety dia ety amin'ny tontolo misy antsika ny Ray, ary lalina ny fandraisany anjara amin'ny famonjena antsika. Inona no ampianarin'Izany fahamarinana izany antsika mikasika ny fitiavan'Andriamanitra antsika?

Noharian‘Andriamanitra telo izay iray mba hanana fifandraisana manokana Aminy isika (Gen. 1:26,27). Noho ny fisian'ny fahotana anefa dia nikorontana tanteraka izany fifandraisana izany. Hitantsika ao amin'ny tantara niseho tao amin'ny saha Edena ny vokatra mivantana avy amin'izany fikorontanana izany.

Vakio ny Gen. 3:7-9. Ahoana no anehoan'izany ny hantsana nateraky ny fahotana, ary inona no dikan'ny hoe Andriamanitra no nitady azy ireo ta tsy ny milanohitra amin'izany?

Ny fikasan'Andriamanitra telo izay iray dia ny hanolotra fanasitranana ho an'ny taranak'olombelona rehetra noho ny amin'ny hantsana nateraky ny fahotana, na dia tsy ny olona rehetra aza no handray ny fanomezana atolony.

Tonga olona ny Persona iray ao amin'Andriamanitra telo izay iray mba hahatanteraka ny famerenana amin'ny laoniny izany fifandraisana izany. Noho izany, dia tonga nofo ny Teny ka nonina tamintsika, ary naneho ny voninahitr'Andriamanitra (Jao. 1:14-18). Vokatr'izany, dia nandray ny Fahatanterahany sy ny Fahasoavany ny taranak'olombelona. Ny hizara izany no nahatongavan'i Jesôsy, ny hitory ny voninahitr'Andriamanitra mba hiverina amin'ny laoniny ny fifandraisana izay notapahin'ny fahotana, farafahakeliny amin'ireo rehetra izay manaiky ny handray amin'ny finoana ny fanomezana atolotr'Andriamanitra azy ao amin'i Jesôsy Kristy.

Inona ny fanantenana mahafinaritra hitantsika ao amin'ireto andalan- teny ireto? Jao. 1:1,2; Jao. 5:16-18; Jao. 6:69; Jao. 10:10,30; Jao. 20:28.

"Ao amin'i Kristy no misy fiainana, araka izay niandohany, tsy nindramina, tsy noraisiny avy tamin'ny hafa." IFM, t. 438, ed. 2023. Amin'ny maha- Zanak Andriamanitra tonga nofo an'i Kristy, izay nanafoana ny tenany (Fil. 2:7) ka tsy nampihatra ny Fahefany rehetra, dia niresaka momba ny fiainany teto an-tany tahaka ny anankiray amin'ny olombelona Izy, ary nanondro ny fiainany ho fanomezana avy amin'Andriamanitra. "Ny maha-Andriamanitra an'i Kristy no antoky ny fiainana mandrakizay ho an'ny mpino." - IFM, t. 438, ed. 2023.

Tsy nahalala an'Andriamanitra ny taranak'olombelona (Jao. 17:25). Noho izany no nanirahany ny Zanany Lahitokana (Jao. 9:4; Jao. 16:5) mba hahalalana Azy Ray.

Izao no nosoratan'ny olona Iray tsy mpino ny fisian'izay mety ho andriamanitra, mahakasika an'izao rehetra izao: "Ao anatin'ny haizina misy antsika, eo anivon'ny fidadasik'izao rehetra izao, dia tsy misy marika mihitsy maneho fa hisy fanampiana avy amin'ny toerana iray hafa ho tonga hamonjy antsika amin'ny tenantsika." Inona no ampianarin'ny Baiboly, izay maneho ny mahadiso hevitra izany lehilahy izany?

Manerana ny filazantsaran'i Jaona, dia lazalazain'ilay apóstôly ny fanaovar'i Jesôsy, ilay Zanaka, ny asa izay manondro ny Ray. Hazavain'i Jesősy hoe iza ny Ray ary asehony ny Fifandraisany amin'ny tontolo misy antsika. Mifanaraka amin'ny Jao. 1:18 izany rehetra izany, izay milaza fa mampahafantatra ny Ray Izy (Grika exegeomai: manazava, maneho). Imbetsaka i Jesõsy no manao izany. In- 136 no ahitana ny teny hoe Ray (pater) ao amin'ny filazantsaran'i Jaona, ary i yin-18 kosa ao amin'ny 1 Jaona hatramin'ny 3 Jaona. Maherin'ny iray ampahatelon'ny fampiasana io teny io ao amin'ny TV izany. Ny lahateny ho fanaovam-beloma izay nataon'i Jesősy no anankiray amin'ny toerana ampahafantarany ny Ray ao amin'ny Filazantsara.

Solontenan'ny Ray teto an-tany i Jesôsy, ary tonga nofo mba haneho ny sitrapon'ny Ray. Raha ny marina, dia nambarany fa ny hanao ny sitrapon'ny Ray, fa tsy ny Azy, no notadiaviny amin'ny zavatra rehetra (Jao. 5:30). Toa fanambarana manaitra no fahitana izany raha atao indray mijery, kanefa maneho izany fa nilefitra tanteraka tamin'ny Ray i Jesôsy amin'ny maha-Olona Azy.

Nolazainy koa fa nirahin'ny Ray Izy mba hamita ny Asany - ny famonjena ny taranak'olombelona - ary manambara ny Asany ny Ray (Jao. 5:36-38).

Nambaran'i Jesôsy fa naniraka Azy ny Ray mba hanaovany fanompoana ka amin'ny alalany irery ihany no hahafahan'ny taranak'olombelona manatona ny Ray (Jao. 6:40,44). Irin'ny Ray ny hananan'ny olona ny fiainana mandrakizay izay ao amin'i Jesôsy, Izy izay nampanantena fa hanangana azy ireo amin'ny fananganana amin'ny maty.

Inona ny lesona omen'ireto toko sy andininy manaraka ireto antsika momba ny fifandraisan'i Jesôsy amin'ny Ray? Jao. 7:16: Jao. 8:38; Jao. 14:10,23; Jao. 15:1,9,10; Jao. 16:27,28; Jao. 17:3.

Mahatalanjona ny fanambaran'i Jesôsy mikasika ny fifandraisany amin'ny Ray. Ambarany fa ny fampianarany rehetra dia fampianaran'ny Ray, ary izay lazainy rehetra dia reny avy tamin'ny Ray; izay mino Azy dia toy ny mino ny Ray ihany; ny Teniny sy ny Asany dia samy an'ny Ray; Izy sy ny Ray dia iray ihany ao amin'ny fitiavana ny taranak'olombelona sy ny famonjena azy ireo. Fanambarana miezinezina manao ahoana re izany momba ny firaisana ety ananan'i Jesôsy amin'ilay Rainy izay any an-danitra!

Hiova manao ahoana ny fiainanao raha toa ny fisainanao sy ny asanao maneho amin'ny fahafenoany ny sitrapon'Andriamanitra ho an'izany fiainanao Izany? Izany hoe, ahoana no anehoantsika misimisy kokoa fa ny zavatra fantatsika avy amin'l Jesõsy dia sitrapon'Andriamanitra ho an'ny fiainantsika?

Tsy mibahan-toerana loatra ao amin'ny Filazantsaran'i Jaona, tahaka ny Ray sy ny Zanaka, ny firesahana momba ny Fanahy Masina. Zava-dehibe ho an'ny fahombiazan'ny asan'i Jesôsy anefa ny anjara asan'ny Fanahy Masina.

Vakio ny Jao. 1:10-13, Inona no ampianarin'io toko sy andininy lo antsika momba ny lanjan'ny Fanahy Masina eo amin'ny fiovam-po?

Hitantsika ao amin'ny toko voalohan'ny filazantsaran'i Jaona ny mahazava- dehibe ny anjara asan'ny Fanahy Masina. Ambaran'i Jaona amintsika fa izay rehetra nandray ny Teny, izany hoe nino Azy, dia tonga zanak'Andriamanitra, dia "ireo izay tsy nateraky ny ra, na ny sitrapon'ny nofo, na ny sitrapon'ny olona, fa naterak Andriamanitra." Jao. 1:13. Ny asan'ny Fanahy Masina irery no mahatanteraka izany.

Inona no ambaran'ireto andalan-teny manaraka ireto momba ny asan'ny Fanahy Masina? Jao. 3:5-8; Jao. 6:63; Jao. 14:26; Jao. 15:26; Jao. 16:7-11.

"Raha nilazalaza tamin'ny mpaminany ny asan'ny Fanahy Masina i Jesôsy, dia niezaka Izy hampiseho aminy ny fifaliana sy ny fanantenana izay nameno ny fony. Naharavoravo Azy ny fanampiana be dia be efa nomaniny ho an'ny fiangonany. Ny Fanahy Masina no ambony indrindra amin'ny fanomezana rehetra azony nangatahina tamin'ny Rainy ho fanandratana ny vahoakany. Homena ny Fanahiny Masina hiasa ho famelombelomana, ary raha tsy Izy dia tsy hisy vokany ny sorona nataon'i Kristy. Efa nitombo hery nandritra ny taonjato maro ny herin'ny ratsy, ary nahagaga ny fileferan'ny olona tamin'ny famaboana nataon'i Satana. Tsy azo toherina sy resena ny fahotana raha tsy amin'ny alalan'ny fiasa- maherin'llay persona fahatelo amin'ny firaisan'Andriamanitra, Izay tsy ovana ny heriny raha ho avy Izy, fa amin'ny fahafenoan'ny herin'Andriamanitra no hiaviany." - IFM, t. 560, ed. 2023.

Araka izany, dia fitahiana lehibe ny fandraisana ny Fanahy Masina, Izy izay manamafy fa marina Andriamanitra (Jao. 3:33). Ny Fanahy no mandresy lahatra ny amin'ny fahotana, ny amin'ny fahamarinana, ary ny amin'ny fitsarana (Jao. 16:8-11). Ny tsiambaratelo hahalalantsika ny tokony hatao, ny marina, ny tsara, dia ny fampileferantsika ny fisainantsika sy ny fanandramam-piainantsika amin'ny Tenin'Andriamanitra amin'ny alalan'ny herin'ny Fanahy Masina izay mandresy lahatra antsika.

Antsoina hoe vavaka nataon'i Jesôsy amin'ny maha-mpisoronabe Azy ny Jao. 17 indraindray. Mamarana ny lahateny ataony ho fanaovam-beloma izany. Tonga teto amin'ity tany ity i Jesősy mba hamerenana ny taranak'olombelona ho amin'ny fifandraisana nananany tamin Andriamanitra tany am-piandohana. Tamim-pahatokiana no nanaovany ireo famantarana izay nomen'Andriamanitra Azy mba hataony. Tamin'ny teny sy tamin'ny asa no nampahafantarany an'Andriamanitra tamin'ny olona.

Efa hiala teto an-tany i Jesôsy tamin'izay. Niriny ny hizara indray ny Fitiavany amin'ireo mpianany. Niriny ny hahatakaran'izy ireo ny fifandraisana ety misy eo Amisy sy ny Ray ary ny Fanahy Masina. Ary niriny ny hitondra azy ireo ho eo amin'ny fifandraisana manokana amin'Andriamanitra Ray sy ny Fanahy Masina tahaka izay ananany koa.

Vakio ny Jao. 17:1-26, Inona ny teny na fehezanteny ao amin'io toko io, izay maneho ny fanirian'i Jesôsy hanana fifandraisam-pitiavana ety eo Aminy sy ny Ray ary ireo mpianany?

Maro no mamaky ny Jao. 17 ka mandray ny hevitr'izany ho toy izao: ny firaisana sy ny fitiavana no hany zava-manan-danja. Tsy isalasalana fa ny hamerina antsika indray ho amin'ny fifandraisana manokana Aminy sy amin'ny olona rehetra no fikasan'Andriamanitra. Kanefa raha mamaky amim-pifantohana bebe kokoa isika dia hahita fa misy fifandraisana iankinana aina bebe kokoa eo amin'ny fitiavana sy ny fahamarinana.

"Ary izao no fiainana mandrakizay, dia ny mahafantatra Anao, Izay Andriamanitra tokana sady marina" - Jao. 17:3, fa tsy ilay Andriamanitra araka izay leritreretantsika Azy tsy akory. "Nasehoko tamin'ny olona izay nomenao Ahy avy tamin'izao tontolo izao ny anaranao; (...) ary notandremany ny teninao (...) ka fantany marina tokoa fa avy taminao Aho." Jao. 17:6,8. "Manamasina azy amin'ny fahamarinana; ny teninao no fahamarinana, Jao. 17:17.

Tonga mba hanambara ny Ray i Kristy. Manan-danja izany fanambarana izany noho ny amin'ireo fiheveran-diso maro mikasika an'Andriamanitra. Asehon'ny filazantsaran'i Jaona araka any fandraisan'i Jesôsy amim-pahamatorana any iraka nampanaovina Azy. Nasehony ny tokony ho izy ny Tenin'Andriamanitra sy ny Asany. Raha toa tsy nanan-danja ny fahamarinana, nahoana moa i Jesôsy no nandany fotoana betsaka nitoriana izany sy nankatoavana an'Andriamanitra?

Fiainana feno zava-tsarotra no niainan'i Jesôsy; tamin'ny farany anefa dia nolavin'ireo manam-pahefana ara-pivavahana Izy. Niaretany ny tsy firaihan'ny olona, eny ny tsy firaihan'ireo mpianany mihitsy aza tamin'ny fotoana sasany. Namadika Azy ny anankiray tamin'ny mpianany, ny iray hafa indray nandà Azy intelo. Fizahan-toetra tsy nanam- pitsaharana no nandalovany, ary maty teo amin'ny hazo fijaliana teo am-pelatanan'ny olona Izy kanefa ny hamonjy azy ireo no nahatongavany.

Ahoana no hahafahanao maneho taratra bebe kokoany fitiavan' Andriamanitra eo amin'ny fiainanao, fitiavana tahaka izay misy eo amin'i Jesôsy sy ny Ray?

Vakio ny "Aza malahelo ny fonareo" toko faha-73 ao amin'ny IFM sy ny "Additional Note on [John] Chapter 1," ao amin'ny SDABC, b. 5, tt. 911-919.

Nitsara araka ny fenitr'olombelona, "araka ny nofo" - Jao. 8:15, ireo mpanohitra an'i Jesõsy tamin'ny fanombantombanana Azy. Azo heverina fa ratsy lavitra noho ny "mitsara araka ny miseho" izany (Jao. 7:24). Eto dia ny fepetran'ny nofo no nampiasain'izy ireo, izay an'ny olombelona lavo eto amin'ny tontolo lavo, ary tsy teo ambanin'ny fiasa maherin'ny Fanahy izany (jereo ny Jao. 3:3-7). Hitan'izy ireo ny "Nofony" araka ny maha-nofo izany, saingy tsy mba nosaininy mihitsy fa Izy no ilay Teny tonga nofo (Jao. 1:14). Ny fijerena an'i Kristy araka ny fepetra voafetra tahaka izany dia sahala amin'ny fandanjana Azy avy amin'ny fomba fijery araka izao tontolo izao (2 Kôr. 5:16).

"Antsoina hoe 'Fanahin'ny fahamarinana' ny Mpananatra. Mampiorina sy mihazona ny fahamarinana no asany. Mitoetra ao am-po amin'ny maha-Fanahin'ny fahamarinana Azy Izy aloha, ary amin'izay dia manjary Mpananatra Mpampionona. Misy fampiononana sy fiadanana ao amin'ny fahamarinana, fa tsy misy tena fiadanana na fampiononana marina mety ho hita ao amin'ny lainga. Hevitra sy lovan- tsofina diso no nentin'i Satana hahazoany ny fahefany amin'ny saina. Notarihiny ho amin'ny tarigetra diso ny olona ka nosimbany ny endriky ny toetra amam-panahiny. Miteny amin'ny saina ka mandatsaka lalina ny fahamarinana ao am-po ny Fanahy Masina amin'ny alalan'ny Soratra Masina. Amin'izany dia mampiharihary ny hevi- diso Izy, ka mandroaka izany tsy ho ao amin'ny fanahy. Amin'ny alalan'ny Fanahin'ny fahamarinana, izay miasa amin'ny alalan'ny tenin'Andriamanitra, no ampileferan'i Kristy ny vahoaka nofidiny ho amin'ny tenany." IFM, tt. 559, 560, ed. 2023.

FANONTANIANA hifanakalozan-kevitra

1. Ny fiainana mandrakizay dia ny fahalalana an'Andriamanitra (Jao. 17:3). Inona no hevitry ny hoe mahalala an'Andriamanitra, izay mifanohitra amin'ny hoe mahalala zavatra vitsivitsy momba Azy fotsiny (ny maha- Tsitoha Azy na ny maha-Andriamanitra fitiavana sy tia ny rariny Azy)? Raha misy manontany anao hoe "mahalala an'Andriamanitra ve ianao?" Inona no havalinao azy? Hita ao amin'ny valinteninao ve i Jesõsy?

2. Amin'ny fiteny tsotra, inona no tian'i Jesôsy hambara amin'ny hoe: "ny teninao no fahamarinana" - Jao. 17:11?

3. Izao no vavaka nataon'i Jesôsy: "Izaho tsy mangataka aminao mba hampiala azy amin'izao tontolo izao, fa ny hiaro azy amin'ny ratsy." - Jao. 17:15. Inona no fiantraikan'ny safidintsika amin'ny mety hamaliana araka ny tokony ho izy izany vavaka izany eo amin'ny fiainantsika?

Hodinihina mandritra ny herinandro:

Jao. 18:33-19:5; Jao. 19:17-22; Jao. 19:25-27; Lio. 2:34,35; Jao. 20:1-18; 1 Kôr. 15:12-20.

Tsianjery:

"Ary hoy Pilato taminy: Mpanjaka va ary Hianao? Jesôsy namaly hoe: Voalazanao fa mpanjaka Aho. Izao no nahaterahako, ary izao no nihaviako amin'izao tontolo izao, dia ny hanambara ny marina. Izay rehetra avy amin'ny marina dia mihaino ny feoko." - Jao. 18:37.

Ny nanomboana an'i Jesôsy teo amin'ny hazo fijaliana sy ny nitsanganany tamin'ny maty no mamarana ny filazantsaran'i Jaona. Tao anatin'ny telo taona sy tapany teo ho eo no nitrangan'ireo toe-javatra voatantara ao amin'ireo toko 10 voalohany ao amin'ny Jaona; ary tao anatin'ny herinandro iray na roa kosa ny voalaza ao amin'ny toko 11-20.

Samy manana ny fomba itantarany ny fahafatesan'i Jesôsy ireo filazantsara efatra. Na dia mifanaraka aza ny fitantaran'izy ireo, ny mpanoratra tsirairay dia manasongadina izay teboka hitany fa mifandrindra amin'ny lohahevitra voiziny ao amin'ny filazantsarany. Manasongadina ny fahatanterahan'ny Soratra Masina i Matio; i Marka kosa manasongadina ny fifandraisan'ny batisan'i Jesôsy sy ny hazo fijaliana; ary i Lioka mifantoka amin'ny hazo fijaliana sy ny fanasitranana ary ny famonjena (ny tantaran'ilay jiolahy teo amin'ny hazo fijaliana).

I Jaona indray dia maneho ny hazo fijaliana ho toy ny fametrahana an'i Jesôsy eo amin'ny seza fiandrianany, izay mifandraika manokana amin'ilay ora na fotoana voaresaka imbetsaka manerana ny bokiny (Jao. 7:30; Jao. 8:20; Jao. 12:27). Toa maneso ilay hoe fametrahana eo amin'ny seza fiandrianana; ny fanomboana amin'ny hazo fijaliana mantsy no fomba mahatsiravina sy mahamenatra indrindra nampiasain'ny Romanina hamonoana olona. lo fifanoherana io indrindra no soritsoritan'i Jaona: maty tao anatin'ny henatra i Jesôsy, kanefa io koa no fotoana be voninahitra nametrahana Azy teo amin'ny seza fiandrianany, amin'ny maha-Mpamonjy Azy.