November 2024

Lesona 9: ILAY LOHARANON’NY FIAINANA - Fanamelohana

"Izay mino Azy dia tsy helohina; fa izay tsy mino kosa dia efa voaheloka rahateo, satria tsy nino ny anaran'ny Zanakalahy Tokan'Andriamanitra izy. (...) Fa izay rehetra manao ratsy dia mankahala ny mazava sady tsy manatona ny mazava, fandrao hita miharihary ny asany. Fa izay manao ny marina kosa dia manatona ny mazava mba haseho ny asany, fa atao amin'Andriamanitra izany." Jao. 3:18, 20, 21; ampitahao amin'ny Jao. 1:10.

Nahoana ny olona no tsaraina? Jao. 3:18,36; Jao. 5:24,38; Jao. 8:24; Jao. 12:47.

Lesona 9: ILAY LOHARANON’NY FIAINANA - Tsy mandray Ilay loharanon’ny Fiainana

Hita ao amin'ny filazantsaran'i Jaona ny sasany amin'ireo tantara mam-palahelo indrindra ao amin'ny Soratra Masina: "Ary ny mazava dia mamirapiratra ao amin'ny maizina; fa ny maizina tsy nandray azy. (...) Teo amin'izao tontolo izao Izy, ary Izy no nanaovana izao tontolo izao, nefa izao tontolo izao tsy nahalala Azy. Tonga tany amin'ny Azy Izy, fa ny Azy tsy nandray Azy." - Jao. 1:5, 10, 11. Nolavin'ny maro tamin ireo olony Ilay "Izaho, izay Izy".

Lesona 9: ILAY LOHARANON'NY FIAINANA - Izy no nisiam-piainana

Ambaran'ilay apôstôly mazava ao amin'ny Jao. 1:1 fa Andriamanitra i Jesôsy, Zanak Andriamanitra Izy. Araka izany, ny fiainana ao amin'ny hoe "Izy no nisiam- piainana; ary ny fiainana no fanazavana ny olona" Jao. 14, dia manondro ny fiainan Andriamanitra amin'ny maha-mandrakizay Azy. Noho ny fananany ny fiainana, dia azony atao ny manolotra ny Ainy sy mandray izany indray (Jao. 10:17). Ary noho ny fananany fiainana ao Aminy, dia azony atao ny manome fiainana ho an'izay tiany (Jao. 5:21; ampitahao amin'ny Jao. 14:19).

Lesona 9: ILAY LOHARANON'NY FIAINANA - Fampidirana

 

Hodinihina mandritra ny herinandro:

Hodinihana mandritry ny herinandro : Jao. 1:4; Jao. 10:10; Jao. 1:12, 13; Jao. 6:61-68; Nom. 13:23-33; Mat. 4:1-4.

Tsianjery: "Izaho no làlana sy fahamarinana ary fiainana; tsy misy olona mankany amin'ny Ray, afa-tsy amin'ny alalako." - Jao. 14:6

Lesona 8: TANTERAKA IREO FAMINANIAN’NY TESTAMENTA TALOHA - Avy aty ambany

Hitantsika ao amin'ny lesontsika hatreto fa asehon'i Jaona ho Ilay Mesia nampanantenaina i Jesõsy, Ilay nantenain'ny vahoaka jiosy sy nandrasany hatry ny ela.

Nanjary fahavalony lehibe indrindra anefa ny ankamaroan'ireo mpitondra fivavahana, dia ireo mpitarika ny vahoaka ara-panahy. Nahoana?

Vakio ny Jao. 8:12-30. Inona ny tsy fifankahazoan-kevitra teo amin'l Jesôsy sy Ireo mpitondra fivavahana eto? Inona avy ireo andinin-tSoratra Masina manazava tsara indrindra ny antony mahatonga ny maro handà Azy?