April 2025

LESONA 3: SARY AN'OHATRA AVY AMIN'NY FANAMBADIANA - Fampidirana

Hodinihana mandritry ny herinandro: Gen. 2:23-25; Efes. 5:29-32; Ezek. 16:4-14; Apôk. 18:1-4; Gen. 24:1-4; Apôk . 19:1-9.

Tsianjery: "Ary hoy koa izy tamiko: Soraty: Sambatra izay nantsoina ho amin'ny fanasana fampakaram-badin'ny Zanak'ondry. Fa hoy izy tamiko: Ireo dia teny marin'Andriamanit 'Andriamanitra." - Apok. 19:9.

Diniho amim-pahatsoram-po ny teny.

‘’Tariho amin’ny fahamarinanao aho, ka ampianaro; fa Hianao no Andriamanitry ny famonjena ahy; Hianao no andrasako mandritra ny andro.’’ Sal. 25:5. 

Mofon’aina:

Mampidi-doza ny manao ny nofo ho sandrintsika. Ny sandrin’Ilay hery tsy manam-petra no tokony hianteherantsika. An-taonany maro no efa nanambaran’ Andriamanitra tamintsika izany. Tsy maintsy manana finoana velona ao am-po isika, ary mikatsaka fahalalana sy fahazavana bebe kokoa.

Mandinika ny teny.

‘’Ny tenin’Andriamanitra dia voadio avokoa, ampinga ho an‘izay mialoka aminy Izy. Aza manampy ny teniny, fandrao hanariny hianao ka ho hita fa mpandainga.’’ Ohab. 30:5,6.

Mofon'aina:    
Ny mandresy lahatra ireo fanahy hanaiky ny fahamarinana no tanjona izao. Ny ezaka ataon’ny tena manokana no fomba tsara indrindra hanatrarana izany, amin’ny fitondrana ny fahamarinana isan-tokantrano sy amin’ny fiaraha-mivavaka amin’izy ireo, sady manokatra ny Baiboly aminy.

Lesona 3: SARY AN'OHATRA AVY AMIN'NY FANAMBADIANA - Ilay vehivavy janga vadin’i Hosea.

Azo heverina fa izay nasain'Andriamanitra nataon'i Hosea mpaminany no iraka hafahafa indrindra nampanaoviny ny mpanompony: ny hampakatra vehivavy janga ho vady! Nampiasa an'i Hosea anefa Izy mba hanampy antsika hahatakatra, araka ny Formba fijeriny, ny alahelo vokatry ny fahotan'ny olombelona sy ny fikomian'izy ireo. Tamim-pitiavana no nifidianan’Andriamanitra vady (ny zanak'Isiraely) izay nijangajanga Taminy. Nahagaga anefa fa nampody azy Andriamanitra ary nanarina azy indray.

Lesona 3: SARY AN'OHATRA AVY AMIN'NY FANAMBADIANA - Ilay ampakarina tsara tarehy.

Maneho amintsika sary mahatalanjona momba ny fitiavan'Andriamanitra ny vahoakany ny Ezek. 16. Ampitahain'Andriamanitra amin'ny zaza nariana sy navelan-dreniny ho faty tany an-tsaha ny vahoaka Isiraely. Izy no nitondra izany zaza izany nody sy nanadio azy, ary rehefa lehibe ilay zazavavy dia nalainy ho vady. Sary iray lehibe maneho fanambadiana tsy dia fahita izany.

Vakio ny Ezek. 16:4-14. Manome lesona momba ny fikasan'Andriamanitra ho antsika ireo tsipirian-javatra maneho ny fanandratana ilay ampakarina; inona izany lesona izany?

Fantaro ny fahamarinana, ka ivelomy.

‘’Ato am-poko no iraketako ny teninao, mba tsy hanotako aminao.’’ Sal. 119:11.

Mofon’aina:    
Ianaro ny Tenin’Andriamanitra, izay nataony mazava sy tsotra noho ny fahendreny sy ny fitiavany ary ny hatsaram-pony. Manazava amintsika ny atao hoe mianatra ny Teny ny ao amin’ny Jao. 6. (...) Aoka ho fiainantsika isan’andro ny fahamarinany, ka ho takatsika ny zava-miafin’ny fahamasinana.

Raha te hitombo, diniho ny teny.

’’Izay soratra rehetra nomen’ny tsindrimandrin’Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin’ny fahamarinana.’’ 2 Tim. 3:16.

Lesona 3: SARY AN'OHATRA AVY AMIN'NY FANAMBADIANA - Nofo iray ihany.

Tsy misy sary an'ohatry ny Baiboly mahalaza tsara ny firaisana ety irin'Andriamanitra ananana amin'ny taranak'olombelona mihoatra noho izay momba ny fanambadiana. Matetika tokoa no ampiasana izany fanoharana izany ao amin'ireo tantaran'ny Baiboly ary aseho mazava izany ao amin'ny Apôkalipsy mba hahatakaran'ny mpianatra ny Baiboly izay tian'Andriamanitra hambara rehefa mampiasa izany ao amin'ny Teniny Izy.

Vakio ny Gen. 2:23-25 sy ny Efes. 5:29-32. Ahoana no anehoan'ny fanambadian'olombelona taratra ny firaisan'i Kristy amin'ny olona?

Lesona 4 : NY FIRENENA REHETRA: FIZARANA I - Fampidirana.

Hodinihina mandritra ny herinandro: Gen. 10:1-12; Gen. 12:1-9; 1 Sam. 8:4-18; Mat. 20:25-28; Apôk. 18:1-4.

Tsianjery: "Ary nomena fanapahana sy voninahitra ary fanjakana Izy, mba hanompoan'ny fokom-pirenena sy ny firenena ary ny samy hafa fiteny rehetra Azy; ny fanapahany dia fanapahana mandrakizay ka tsy ho tapaka, ary ny fanjakany tsy ho rava." - Dan. 7:14.

Lesona 2: NY BOKIN'NY GENESISY, FOTOTRA - fianarana fanampiny

Vakio ny VM, toko 58: "Ny Apôkalipsy", tt. 513-516.

Ny ankamaroan'ny fivavahan'izao tontolo izao dia mianina amin'ny fanazavana hevitra; misy fiavahana lehibe kosa ny fivavahana Kristianina, izay miorina lalina amin'ny tantara. Tantaran'ny fifandraisan'Andriamanitra amin'ny olombelona eo amin'ny tantara manontolo ny Baiboly, ary ny fandinihantsika izany fifandraisana nandritra ny arivo taona maro izany dia mampianatra zavatra betsaka antsika momba ny toetran'Andriamanitra tsy miovaova.