Vakio ny Mar. 14:1-11. Inona ireo tantara roa voalaza eto, ary inona no ifandraisany?
Voalaza ao amin'ny Mar. 1 fa roa andro sisa dia ho tonga ny Paska. Na ny alin'ny Talata, na ny Alarobia tao anatin'io herinandro io ny fivoriana eto. Nanao kajikajy nandamina fotoana ireo mpitondra fivavahana. Ny fomba hanatrarana ny tanjony sisa no notadiaviny. Tsy nampoiziny ny nahitany izany fomba izany.
Ity ampahan-tSoratra Masina ity no "Sandwich Story" (tantara mifanosona) fahadimy ao amin'ny Marka (jereo ny lesona 3). Ampifandraisina eto ny tantaran'ny nanaovana tetika hamonoana an'i Jesôsy sy ny tantaran'ilay vehivavy nandraraka menaka manitra sarobidy teo amin'ny lohan'i Jesôsy.
Tsy nambaran'i Marka hoe iza ilay vehivavy. Ny fanomezana mahatalanjona nomeny an'i Jesôsy dia mifanipaka amin'ny fitak'i Jodasy izay namadika ny Tompony. Tsy fantatra anarana ilay vehivavy, fa i Jodasy kosa fantatra ho isan'ireo Roa arnbin'ny folo lahy. Voalaza ny tombam-bidin'ny fanomezana natolotr'ilay vehivavy, fa ny hany voalaza ny amin'i Jodasy kosa dia ny fikajikajiany ny vola mety ho azony.
Tsy voalaza mazava koa ny antony nanesika ity vehivavy ity hanao ilay fihetsika, saingy tohina ny vahiny niara-nisakafo teo noho ny nataony, izay noheveriny fa fandaniam-poana saika ny karaman'ny olona herintaona. Niditra an-tsehatra niaro azy anefa i Jesôsy, ary nilaza fa ho tafiditra ao anatin'ny fitoriana ny filazantsara amin'izao tontolo izao ny nataon'ity vehivavy ity ho fahatsiarovana azy.
Tsy hay hadinoina koa anefa ny famadihana nataon'i Jodasy. Hita taratra amin'ny fitantaranl Marka fa olona tia vola izy. Milaza izany mazava kosa ny filazantsaran'i Jaona (Jao. 12:4-6).
Manao tsilalaon-teny momba ireo teny hoe "soa" sy "tsara" i Marka mba hanehoany fa misy antony roa samy hafa manentana ny olona hanao zavatra, ao amin'ireo tantara ireo. Antsoin'i Jesôsy hoe asa "soa" ny fihetsik'ilay vehivavy ao amin'ny Mar. 14:6. Nolazain'i Jesôsy fa azo atao, na oviana na oviana, ny manao "soa" amin'ireo mahantra izay eo mandrakariva (Mar. 14:7), ary ao amin'ny Mar. 14:9 dia lazainy fa anisan'ny filazantsara ny asa nataon'ilay vehivavy. Voalaza ao amin'ny Mar. 14:11 koa fa nitady izay fotoana "mety tsara" hamadihana an'i Jesôsy i Jodasy (DIEM). Maneho izany tsilalaon-teny izany fa ny drafitr'olombelona entina hamonoana ny Mesia dia manjary ampahany amin'ny tantaran'ny filazantsara ihany raha ny marina satria miafara amin'ny fahatanterahan'ny sitrapon'Andriamanitra, dia ny fanolorany ny Zanany ho famonjena ny taranak'olombelona.
Manampy antsika hahatakatra izay mitranga eto ny voalazan'ny Rôm. 8:28; amin'ny fomba ahoana?
"Mangataha, dia homena hianareo; mitadiava, dia hahita hianareo; dòndòny, dia hovohana hianareo." - Mat. 7:7.
Mofon’aina:
Rfaha mba ny rehetra mantsy no mahalala avy amin'ny anandramany manokana ny halehiben'ny fitsaharana ampanan-tenain'ny lanitra (...) ho an'ny fanahy, na dia izao ankehitriny izao aza, amin'ny alalan'ny fivavahana mafana! Raha tsy mbola nianatra izany lesona izany ny fanahy iray, dia tsara kokoa ny hianarany hifehy izany ao amin'ny sekolin'i Kristy mialoha ny hianarany ireo lesona hafa eo amin'ny fiainana.
Maniry hiaina fanandramana vaovao sy velona isan'andro isika amin'ny maha-Kristianina antsika. Irintsika ny hianatra mitoky amin'i Jesôsy sy mino Azy ary manankina ny zava-drehetra Aminy. (...) Mandritra ny firesahana amin'Andriamanitra no ahazoantsika mampihanjahanja Aminy ny zava-miafin'ny fanahy - satria mahalala ny zavatra rehetra Izy - fa ny olona kosa tsy toy izany. (...)
Aoka ianao tsy haneho tsy firaihana ka hisaraka amin'Ilay Loharanon'ny herinao. Tandremo ny fisainanao, ny teninao, ary katsaho izay hanomezam-boninahitra an'Andriamanitra amin' izay rehetra tianao hatao. Arakaraka ny anakaikezanao eo am-pototry ny hazo fijaliana no hahitanao bebe kokoa ny fahatsaran'i Jesôsy sy ny fitiavany tsy manam-paharoa izay efa nasehony ho an'ny olombelona lavo. (...)
Aza avela hampisaraka anao amin'Andriamanitra ny rotoroton'ny asa aman-draharaha, satria amin'ny fotoana maha-betsaka ny asa eo am-pelatananao indrindra no ilanao torohevitra sy fahazavan-tsaina (...). Amin' izay indrindra no ilanao ny hanokana fotoana hivavahana sy hanana finoana mitombo ary fitokiana amin'ny torohevitr'Ilay lehibe indrindra amin'ny Mpitsabo. Angataho Izy hanampy anao. Mivavaha matetika arakaraka ny mahasarotra ny asa tokony hataonao. (...)
Endrey! Lohahevitra iray mendrika hodinihina ny ahazoana manavao sy mamonjy ny olombelona, izay efa (...) very ao amin'ny toetrany, amin'ny alalan'ny fanampiana feno fahasoavana izay atolotr'i Kristy azy ao amin'ny filazantsara. (...) Ny fizahan-toetra tsirairay izay zakaina, ny fitahiana rehetra raisina amim-pankasitrahana, ny fakam-panahy tsirairay izay toherina amim-pahatokiana, no hahatonga anao ho lehilahy mahery ao amin'i Jesôsy Kristy. Ao amin'ny fivavahana atao amim-pinoana no ahazoana izany fahasoavana rehetra izany. (...)
Mifahara amin'ilay hery avy any ambony. Na i Jesôsy aza, rehefa ni omana hisetra ireo fizahan-toetra lehibe, dia nitokana tany an-tendrombohitra ary nandany ny alina tamin'ny fivavahana (...).- TDG, t. 104.