April 2025

 "Ary izay taranakao no hanangana ny efa raya ela, ary ny naorina hatry ny fony fahagola no hamboarinao; ary hianao dia hatao hoe mpamboatra ny raya, mpamelon-dalana honenana amin'ny tany. " Isa. 58:12.

 "Dia hotandreman'ny Zanak'Isiraely ny Sabata hankatoavany azy hatramin'ny taranany ferra mandimby, dia fanekena mandrakizay izany." - Eks. 31:16.

Mofon’aina: 
Mitaky fiambenana tsy tapaka izao vanin'andro iainantsika izao. Izao no fotoana tokony hifohazan'ny vahoakan'Andriamanitra hanao asa lehibe amin'ny fitondrana fanazavana momba ny Sabata. Mila manaitra sy mampitandrina ny mponin'izao tontolo izao izy ireo fa antomotra ny fiavian' i Kristy fanindroany amin-kery sy voninahitra lehibe. (...)

"Izao no lazain'i Jehovah: Rahampitso dia tena andro fitsaharana masina ho an 'i Jehovah; koa manendasa izay hendasinareo, ary mahandroa izay handrahoinareo, ary izay sisa rehetra dia avelao ho anareo, hotehirizina ho tra-maraina.". Eks. 16:23.

"Raha miaro ny tongotrao amin 'ny Sabata hianao ka tsy manao izay tianao amin'ny androko masina, ary manao ny Sabata hoe fahafinaretana, ary ny nohamasinin'i Jehovah hoe mendrika hohajaina, (...) dia hiravoravo amin'i Jehovah hianao (...)." - Isa. 58:13,14.

 "Mahatsiarova ny andro Sabata hanamasina azy. Henemana no hiasanao sy hanaovanao ny raharahanao rehetra. Fa Sabatan Jehovah Andriamanitrao ny andro fahafito; (...) izany no nitahian’i Jehovah ny andro Sabata sy nanamasinany azy." - Eks. 20:8-11.

«Ary Andriamanitra nitahy ny andro fahafito sy nanamasina azy, satria tamin'izany no nitsaharan 'Andriamanitra tamin 'ny asany rehetra izay noforoniny tamin'ny nanaovany azy.» - Gen. 2:3.

 "Ary nampahalala azy ny Sabatanao masina Hianao, ary Mosesy mpanomponao nampilazainao didy sy fomba ary lalàna taminy. " - Neh. 9:14.

 "Ary tamin'ny andro fahafito dia vitan 'Andriamanitra ny asa efa nataony; ary dia nitsahatra tamin'ny andro fahafito Izy tamin'ny asany rehetra izay efa nataony." - Gen. 2:2.

Mofon’aina:
Nohamasinin'Andriamanitra sy notahiny ilay andro nitsaharany tamin'ny asany rehetra mahagaga. (...) Natao ho tsangambato fahatsiarovana mandritra ny taona rehetra mifandimby izany, mandra-pifaran'ny tantaran'ny tany.

 « Raha maharitra amin 'ny teniko hianareo, dia ho mpianatro tokoa; ka ho fantatrareo ny marina, ary ny marina hahafaka anareo tsy ho andevo. »- Jao. 8:31,32.

"Raha misy olona ta-hanao ny sitrapony, dia hahalala ny amin'ny fampianarana izy, na avy amin 'Andriamanitra izany, na miteny ho Ahy Aho." - Jao. 7:17.