May 2024

Ao amin'ny Apôk. 14:7, ny anjely voalohany dia miantso amin'ny feo mahery hoe: "Matahora an'Andriamanitra, ka omeo voninahitra Izy; fa tonga ny andro fitsarany; ary miankohofa eo anoloan'Izay nanao ny lanitra sy ny tany sy ny ranomasina ary ny Ioharano". Ny antson'ny lanitra dia ny hanolorantsika ny fahatokiantsika faratampony sy ny fiankohofantsika amin'ny fo amin'ilay Mpahary eo anatrehan'ny fitsarany mananontanona.

Vakio ny Apok. 12:12,17 sy ny Apok. 13:7. Ahoana no anehoan'ireo andininy ireo ny firehetan’ny fahatezeran'i Satana? Nahoana ny devoly no tezitra mafy amin'ny vahoakan'Andriamanitra amin'ny andro farany? 

Vakio ny Apôk. 14:6,7; Apôk . 4:11; Gen. 2:1-3; sy ny Eks. 20:8-11. Inona ny fifandraisana misy eo amin'ny famoronana sy ny Sabata ary ny lalàn'Andriamanitra?

Vakio ny Mat. 5:17,18; Sal. 111:7, 8; Mpitt. 12:13, 14; 1 Jao. 5:3; sy ny Ohab. 28:9. Inona no ampianarin'ireo andininy ireo antsika momba ny fifandraisan'ny Kristianina amin'ny lalàna? 

Vakio ny Apôk. 11:19, Eks. 25:16, Eks. 31:18, ary ny Apôk. 12:17. lnona no lazain'ireo andininy ireo fa tao anatin'ny fiaran'ny fanekena ao amin'ny efitra masina indrindra ao amin'ny Fitoerana Masina?

Hodinihina mandritra ny herinandro : Apôk. 14:6-12; Mpitt. 12:13, 14; Ohab. 28:9; Dan. 7:25.

Tsianjery: "Dia tezitra tamin'ilay vehivavy ny dragona ka lasa nandeha hiady tamin'ny zanany sisa, izay mitandrina ny didin'Andriamanitra sy mitana ny filazana an'i Jesôsy." – Apôk. 12:17.