"Aoka anie ho tonga eo anatrehanao ny fitarainako, Jehovah ô; Ampianaro aho araka ny teninao." - Sal. 119:169.
Mofon’aina:
Natao ambanin-javatra ny Baiboly, fa ny tenin'ireo lehilahy sy vehivavy heverina ho malaza kosa no nasolo azy. Enga allie ny Tompo hamela ny helotsika noho ny fanamavoantsika ny Teniny. Na misy harena tsy hay tombanana aza ao amin'ny Baiboly, ary na toy ny tany manafina volamena sarobidy aza izany, dia tsy mba omen-danja, tsy misy mpitrandraka, ka tsy hita ny harenany.Tsy haintsika sandaina ny hasarobidin'ny famindram-po sy ny fahamarinana ary ny fitiavana; tsy mety ho be loatra mihitsy ny fananantsika ireo harena avy any an-danitra ireo, ary ao amin'ny Tenin'Andriamanitra no ahitantsika ny fomba ahazoana azy. Nahoana anefa no tsy mampiraika ireo maro mitonona ho Kristianina ny Tenin'Andriamanitra? Satria ve tsy fanahy sy fiainana ny Tenin'Andriamanitra? Tsy mahaliana ve ny asa ampanaovin'i Jesosy antsika, rehefa mandidy antsika izy hoe "diniho ny Soratra Ilasina"? Hoy i Jesosy: "ny teny izay nolazaiko taminareo dia fanahy sy fiainana." Fa ny zava-panahy dia takarina ara-panahy, ary ny antony tsy mahaliana anao dia ny tsy fanananao ny Fanahin'Andriamanitra.
Misy fiainam-baovao mikoriana ao anatinao rehefa mifandrindra amin'ny Tenin'Andriamanitra ny fonao. Misy hazavana vaovao mamirapiratra eo amin'ny andalana tsirairay, ary manjary feon'Andriamanitra miteny amin'ny fanahinao izany. Toy izany no andraisanao hevitra avy any an-danitra ka ahafantaranao ny lalan-kalehanao sy hisitrahanao amin'ny fahafenoany ny tombontsoa omena anao isan'andro.
Tokony hangataka amin'ny Tompo isika mba hanokafany ny saintsika, hahafahantsika mahatakatra ny fahama-rinan'ny lanitra. Raha mampietry ny fontsika eo anatrehan'Andriamanitra isika, raha esorintsika ao ny avonavona sy ny fireharehana ary ny fitiavan-tena, raha manam-paniriana marina sy finoana miorim-paka isika, noho ny fahasoavana be dia be nomena antsika, dia hamirapiratra ao an-tsaintsika ny tara-pahazavan'Ilay Masoandron'ny fahamarinana, ka hanazava ny fahatakarantsika maizina. I Jesosy no fahazavana manazava ny olona rehetra eto amin'izao tontolo izao. (...) Tonga Izy hitady sy hamonjy ny very, ary tsy navelany hisy na inona na inona hampiala Azy amin'io tanjony tokana io. (...) Napetrany teo an-tanantsika ity asa ity. Hanatanteraka izany ve isika? — RH, 24 Nôvambra 1891.