May 2024

TENY FIKASANA NY AMIN'NY FIVERENANY 

Niandry fatratra ny fiavian'i Jesôsy ireo mpanavao fivavahana prôtestanta sy ireo mpivahiny niala tany Hollande ho any amin'ny "Tontolo Vaovao". Ho azy ireo, ny fiavian'i Kristy fanindroany dia toe-javatra mahafaly nandrandrain'izy ireo fatratra. Niandry ny fiavian'i Kristy amin'ny maha-fanantenan'ny fiangonana izany i John Wycliffe. Naneho ny hevitr'ireo mpanavao fivavahana rehetra i Calvin raha nilaza ny amin'ny fiavian'i Kristy be voninahitra hoe "tranga mahafinaritra indrindra".

ENTANIN'NY FANANTENANA

Hodinihina mandritra ny herinandro: 1 Tes. 4:13-18; Mat. 24:27,30,31; 2 Pet. 1:19-21; Dan. 8:14; Dan. 9:20-27; Ezra 7:7-13

Tsianjery: "Ary holazaina amin'izany andro izany hoe: Indro Andriamanitsika, izay nandrasantsika hamonjy antsika; Indro Jehôvah , Izay nandrasantsika, koa dia aoka ho faly sy ho ravoravo amin'ny famonjeny isika." — Isa. 25:9. 
 

Finoana manadio ny fiainana 

"Fa hianao kosa, ry lehilahin'Andriamanitra, mandosira izany zavatra izany, ka miezaha mitady fahamarinana, toe-panahy araka an 'Andriamanitra, finoana, fitiavana, faharetana, fahalemem-panahy. Miadia ny ady tsaran'ny finoana, hazony ny fiainana mandrakizay; fa ho amin'izany no niantsoana anao koa sy nanaovanao ilay fanekena tsara teo imason'ny vavolombelona maro."- 1 Tim. 6:11,12.

Fitahiana hiatrehana ny fahamehana rehetra.

"Hataontsika ahoana no fandositra raha tsy mitandrina izao famonjena lehibe izao isika? dia ilay nampilazaina ny Tompo tamin'ny voalohany, ary nohamafisin'izay nandre tamintsika kosa." - Heb. 2:3. 

Ilay vatosoa sarobidy

"Ary koa, ny fanjakan'ny lanitra dia tahaka ny mpandranto anankiray izay nikatsaka vato soa; ary rehefa nahita vato soa iray saro-bidy izy, dia lasa nivarotra ny fananany rehetra ka nividy azy." - Mat. 13:45,46.

Mpisolovava mitafy ny toetrantsika

"Anaka, izany zavatra izany no soratako aminareo mba tsy hanotanareo. Ary raha misy manota, dia manana Solovava ao amin'ny Ray isika, dia Jesôsy Kristy, Ilay Marina."- 1 Jao. 2:1.   

Mofon'Aina: